رساله...... إلى  أخي
لما اخوك  عنك يغيب..
 يبقا..... غاب عنك مليون حبيب
غابت  عنك  الابتسامه
غابت عنك الضحكه.. إللي تخلي القلب يتحرك من  مكانه
غاب  عنك الزمااااااان والمكان.
والساعه وقفت  من زمااااااااان
وقالت  اضحكو..
أنا  واقفه  لما تخلصو ........
احلي لمه.
احلي كلمه
احلي لقمه. تديها ... لخوك

وقالت ...هو  ابنك.. ولا أخوك
قلت  ابني.. وكنت ببني ..ليه بيت  كل طوبه فيه من حنان
كنت بزرع  الحب ... بيني وبينه من زمااااان
واجني حباته. من بناته..
لما يشوفوني ويقولوا  عمي جه.
والضحكه  منهم تخلي قلبي يرفرف.. زي الحمامه
البت  نورا..  تيجي تجري وترتمي في حضني
والبت  سلمي تضحك. وتقولي ياشاعر
وأنا. قلبي ليهم مليااان  حب ومشاعر
والبت  ملوكه .. تقولي بات  معانا الليله  ياعمي
وأنا  هخدك الليله في حضني
واغطيك  برموش عينيه
انت  ياعمي كل الدنيا  ديه
قلت : في سري  ... ازرعوا.. في اولادكوا ... الحنان
ابن  اخوك هو ابنك.. اوعا ..اوعاااا تجفي عليه
واديله وما تخدشي منه ..
وهون الدنيا  عليه
اوعا.. اوعااااا...تجرح.. وتنزل الدمعه في عينه
ملعون المال.. اللي هيخلي ابن اخويا .. لحظه يبكي
لو هجوع.. لو هموت.. بس اشوفه بيضحك
لما اموت  ...
لما اموت ياخويا.. اوعاااااا....  تجفي ع العيااااال
اوعا. تقول  في يوم  اهما.. كبروا..
حتي لو كبروا.. ياخويا..
يبقوا عندك  انت.... علي طول عيال  ..
اوعا.. الماده يا خويا  تخليك ..تفرق بين عيالك  ..
أو  عيالي....
ملعونه الماده  ياخويا .....
ملعونه  الماده  ياخويا....اللي تخلي ابني يبكي
اوعا.. تقول ياخويا.. ياعم حقي
خد مني أنا  ..ياخويا  كل حقي
بس. لما  اموت. لما اموت ..وصيتك  عيالي
خدهم في حضنك
خلي عينك  عليهم
اللي بموت  ابوه.. بقول  لعمه ....  يابا
مش تيجي  علي ابني...  وتقول.. الدنيا غابه
اوعا.. تكون ياخويا... دييييب
خليك حنين علي اولادي..وخليك  حبيب
مع تحيات
 الشاعر
عماد بخيت