يعنى ايه العوالمه ..؟
جانى سألنى من سنه
هى ايه العوالمه
بصت عليه
لسه صغير
بس احياه
عنده ضمير
قلت يابنى العوالمه
نظام خطير
قصدة يحطم الفقير
وضيق العالم علينا
بقولة ايه
ان الكون قرية صغيرة
يخدوا منك
كل شئ
ويرجعولك
كل شئ
بس اشيائك رخيصة
وهم اشيائهم عزيزة
والحل يبقي فى القروض
والديوان تبهدلك
وبعد العز
تبقى ذليل
وفي كل حاجه
تلاقيهم يدخلوا
بص لى وقاللى
هى دى العوالمه
وهى فيها الادويه
والاغذيه المسرطنه
والحريه والديمقراطيه
وقول كمان
حقوق الانسان
نشطاء وثوار
وبنى ادمين
بس حمير
وثورات عربية
ودموع صبيه
ابوها مات من ارهاب
وخطيبه شاب
مبقاش شباب
من حبوب الهلوسه
قلت وانا بستعجبه
ما انت فاهم
يعنى ايه العوالمه
طيب ليه تسألنى انا
ضحك بس بسخريه
قاللى يابا فوق
انت فاهم من زمان
بس ساكت يا جبان
ضاع اخويا
وضاعت انا
من سكوتك كام سنه
حطت راسي في التراب
قلت يابنى عيب
كانت الكلمه ساعتها خراب
كانت الوقفه ثمنها رقاب
من كان يوميها يخدمك
من يشقى لاجل ياكلك
من يتحمل ذل لاجل يعلمك
ساعتها شفت دموعه من الخجل
قاللى ياولدى سماح
باس دماغي باس اديا
وطى يبوس التراب
قلتلوا ليه العتاب
قاللى من كتر العذاب
ساب اديا
وفى ثوانى بقى سراب
لسه فاكر من سنه
لما قاللى يعنى ايه العوالمه
                                      # صالح #