----------- بقلمي ياسر عياد
ليه يا زمان
ضربت ضربتك
وسبتني في همي
ولبستني توب الحزن
وكان دى كفني
وقلت تحت التراب
هتشوف اللي بيحصلي
كان نفسي اشوف المنى
كان نفسي أنسى سني
ليه يا زمان
التعب هدني
وياريته ما كان هني
ليه يازمان
كتبت على الخلق
تتوه مني
وكتمت الأفواه
والصرخة بعدت عني
ليه يا زمان
وشيبت قلبي
قبل المعاد
وتاريخي تاه مني
شيبت شعر راسي
قبل الأوان
والله ماهو سني
ليه يا زمان
داست زناد الألم
ورحت تحسدني
وداست مداد القلم
على كراس عمري
وعيشتني أشواق وسقم
وحراجي بتوجعني
ليه يا زمان..
كان الهوى فيه إحترام
وكان الفن ذوق
ويا.. السلام
وكان الغنى غنى النفس
والعيشة ف اخر أنسجام
وكانت الأخلاق فيها
أدب من غير كلام
وكان بين الأحباب
أشواق وغرام
ليه يا زمان
هدتني من غير كلام
وادتني دوا الوجع
وكإنها أوهام
بدل ما كنت تهجرني
كنت ناولتني
حب وغرام
حتى لو كان
وهم في المنام
ولا طمني
ياسر عياد
ليست هناك تعليقات:
إرسال تعليق