وانت مسافرة
.......
متنسيش وانت ماشيه..
تخد معك شنطتك..
لم فيها مع هدومك..
ذكرياتك.. وقسوتك..
لم فيه جروح سنين
جرح يطيب تزرع غيرة كتير
كنت صابر.. يمكن يكون كرهك دلال
ولا حبك للنكد.. لعب عيال
ولا عيونك الزيغه.. كلام صغار
بس لما عرفتك.. قلت ياه
هى دى اللى من بره... ملاك
اللى لما يوم تضحك.. يبقي هلاك
شفت فيك سواد كتير..
شفت حقد .. شفت غل..
مش موجود.. في البنى ادمين
اوعى تنسي.. تمل شنطتك..
بالخداع.. والضحك لصفر
وكمان دموع الصيادين..
خدى كمان حنيتى.. ودمعتى
خدى كمان قلبي الهزيل..
اوعى تخد قسوتى ..
اوعى تخد قلب صخرى
اتولد في قصتك..
وقبل ماتقفل شنطتك..
خدى كل الذكريات...
حلوها...  ومرها..
خدى كمان حب مات...
خدى حطام شخصيتك..
من النهارد لو سألونى..
في في يوم شفتها..
هقول.. ولا ثانيه عرفتها
اصل اللى زيك يعيش سنين..
بس يا خسارة.. ياما يفوت..
يموت كدة.. من غير اثر
وكانه يوم.. ماكان بشر..
........ ....... .......  صالح منصور