بتبهرينى كل ما تشوفك عيونى
بتسحرينى وافضل اسأل مين تكونى
إنتِ ليلى ولا عبلة ولا ڤينوس الجميلة
ولا كليوباترا وبعيونها الكحيلة
تيجى تلمح لهفتى تحت النخيلة
أفضل اسرح واشكى همى كل ليلة
انتِ نجمة ف السما ولا وردة ملهمة
ولا آية م الإله تيجى تظهر كلما
ترسى آيات الجمال عند أحلامى وجنونى
إنتِى مين ياللى .. بتحلى شجونى
إنتى فين ياللى واحشينى زورونى
للجمال كنتِ المثال والصورة والحس الجميل
فى الغرام كنتِ الامال ولفرحتى كنتِ الدليل
انتِ مين ياجنونى ..يافنونى
انتِ مين ياشقاوتى ... يا سكونى
انتِ مين يافاتنة عيونها رمونى
لو هقول إنى أسير بقيودك انتى ..ارتضيت..
لو هقول إنى هموت بين إيديكى ..لم حييت
دى الحياة ف بعدِك تهون
والردى ف قربك يا ريت
إنتى مين ياللى ساكنة فى جفونى
إنتى فين ياللى صبحتى ..كل كونى..
ليست هناك تعليقات:
إرسال تعليق