يا قلبي اقفل عليك بيبانك
انسي اللي باعك
وانسي اللي خانك
إياك تقول يا حب تاني
أياك تتوه ويا الأماني
أرجوك خلاص خليك مكانك
أيوه انت طيب والله عارف
دمعك قريب بس انت شايف
ما بقاش بأيدي !!
م الحب خايف•
إياك تقول طب وانت مالك
أهون عليك ترميني تاني
وارجع أتوه و يا الأماني
وأحب تاني واندم و اعاني
عشان عيونك نسيت زماني
من كتر ضعفك الهم جالك
خلاص يا قلبي مافيش رجوع
خلاص يا قلبي مافيش دموع
خلاص راح اقفل عليك بيبانك
ح تعيش وحيد ما لكش غيري
ضحي عشاني ولو لمره
ضحيت كتير زمان عشانك
- أحمد فاروق
ليست هناك تعليقات:
إرسال تعليق