إلتزم الصمت

اسكت يا حصان لساني
مهما الكل أذاني
إياك تنطق بحرف
يجرح حبيبي تاني
بحر المحبه جوه العيون
يحكي مليون حكايه
 يخرص لساني المجنون
عن حرف يوجعني ف مرايه
أجرح روحي ولا قلبي
ولا ادبحني بسكات
أخاف أغلط وقت غضبي
 غير لو إحساسي مات
يبقي حبي يستاهل
إن لساني ما يتساهل
ويتكلم ويتعلم يعلي الصوت
علي اللي روحي من غيره
أكيد ها تموت
اسكت واكتم ف قلبك
وسيبه يجرح فيك
هو اللي دائما جانبك
عايش حياته ليك
أتحمل شد الجام
لما يهدء هايعرف
الجرح سيبه ينام
أمنع الدمع ينزف
حتى الشكوي إنساها
فكر ف الحلو فيه
عيش علي مرساها
هاتغرق ف الهم ليه

إيمان السعيد