،،،،،سبب جروحي،،،،

أسودة الوشوش
لما الزمان هدني
الناس ما بيرحموش
مين اللي هايودني
بعت الدنيا عشانك
وأنت اللي بعتني
أنا أتمنيت حنانك
مطلبتش أي شيء
قولت هاعيش عشانك
فكرت أنك بريء
أتاري أنت اللي خاين
بتبيع من غير ثمن
بص ف قلبك وعاين
ماليان تراب الزمن
وبتحدف ع الظروف
وتقول الكل باعني
هاموت خلاص م الخوف
الكل ليه خدعني
وأنت أللي خدعتهم
بص جواك وشوف
شهدو اللي عشقتهم
وعملو فيك معروف
وفاقو من وهمهم
أنا بس اللي صدقتك
لازم أفوق زيهم
غلطتي أني عشقتك
حسيت بنبض قلبك
صدقت أني حببتك
وأتمنيت أفضل جمبك
لكن أنت اللي حكمت
وبعت قلبي وروحي
شكلك خلاص اخترت
تكون سبب جروحي

،،،،،إيمان السعيد،،،،،