متسألش عني

متسألش عني
متقوليش بحبك
خلاص شلت مني
إحساسي بقربك
أخذت روحي منك
بعد ما وهبتهالك
لأني كنت جانبك
عاشق حتي خيالك
لكن أنت حرمتني
من الحب والحنان
وبقسوه ظلمتني
رجعتلي الزمان
اللي كنت بطويه
مش عايز يرجع تاني
وبهرب منه وبداريه
بيفكرني بحرماني
لما ترجعني ليه
هاقولك الف سلام
كفايه أنا استكفيت
كانت معاك احلام
حلمتها وصحيت
أكيد كانت أوهام
أو مرض ومنه شفيت
لو حبك ها يزلني
بقولك متحبنيش
ومتقولش بتعزني
 قلبك محسنيش

إيمان السعيد