دعوني اوكع وانتكس - بس كون يصعد لي نفس
اتركوني اخذلي درس –دنيانه ظلمة وبس همس
هندس ما بيها غيراللمس -لاكمر يطلع لا شمس
والكهربا تلعب النفس-الكل تعب من صيد امس
عالفانوس والشمع الدرس-انت تريد اشعر واحس
الدنيا حمستنه حمس – غسل ولبس وينه اليحس
ما ظل بعد شي يلبس–ويسترعيوب اهل الرجس
كل نجس انكس من نجس– ويكلك اسكت لاتبس
بكلمه تره قطع النفس– لاتحجي يعلسونك علس
لو تختلس واحد فلس – تطلع ترى انت النجس
الربع كلهامحصنه ساده-كل فطورها دهن ودبس
اغلبهم اياديهم  بالنجس -نتننه وعفنها يسد النفس
بالحجي خرسونا خرس- افعالهم بس علس بعلس
خلينا ناخذ فد درس –الدجال مختص شغله  يختلس
نصبر بلكي تطلع شمس - يهب هوا يطيب النفس
الكل تعب من صيد امس-الناطور مايحرس غرس
الفلاح مهموم نايم مايحس–والعمال مخلوسه خلس
حقوقها اللبست لبس – من اجورها لم تقبض فلس
تعبانين وبطرك النفس- ماظل شي عدنا ينهلس
بقلم / ظاهر الطائي